The news is by your side.

Advertisement

پانی کے منصوبوں پر سندھ حکومت ہمیشہ لالی پاپ دیتی آئی ہے، فردوس شمیم نقوی

کراچی : سندھ اسمبلی میں اپوزیشن لیڈر فردوس شمیم نقوی نے کہا ہے کہ پانی کے منصوبوں پر سندھ حکومت ہمیشہ لالی پاپ دیتی آئی ہے۔ یہ بات انہوں نے سندھ اسمبلی میں اظہار خیال کرتے ہوئے کہی۔

انہوں نے کہا کہ صاف پانی کی فراہمی کراچی کی اولین ضرورت ہے، ہرشہری پوچھ رہا ہے کہ کراچی میں پانی کے منصوبے کب مکمل ہوں گے، پانی کے منصوبوں پر سندھ حکومت ہمیشہ لالی پاپ دیتی آئی ہے۔

فردوس شمیم نقوی کا مزید کہنا تھا کہ کراچی واٹر اینڈ سیوریج بورڈ میں بہت زیادہ خامیاں ہیں، بورڈ کا سیوریج اور پانی کی تقسیم کا نظام خراب ہے۔

شہر کے مسائل پر سیاست نہ کی جائے بلکہ انہیں ترجیحی بنیادوں پر حل کیا جائے۔ اپوزیشن لیڈر نے سندھ حکومت کو پیشکش کی کہ بہت پیسہ ضائع ہوچکا آئیں پانی کے مسئلے کو سنجیدگی سے حل کریں۔

سندھ حکومت ہمیں تاریخ بتا دے کہ شہر میں کب تک پانی کا مسئلہ حل ہوجائے گا، وفاق رقم دے یا نہ دے سندھ حکومت پانے کے منصوبے کو جلد مکمل کرے۔

مزید پڑھیں: سندھ کو ماں کہنے والوں نے آج سندھ کو بدحال کر دیا: فردوس شمیم نقوی

واضح رہے کہ پی ٹی آئی کے سینئر رہنما فردوس شمیم نقوی نے اس سے قبل اپنے ایک بیان میں کہا تھا کہ سندھ کو ماں کہنے والوں نے سندھ کو بدحال کر دیا، سانگھڑ میں میڈیا سے گفتگو کرتے فردوس شمیم نے کہا کہ صحت، صفائی، تعلیم کی صورت حال ابتر ہے، صوبے میں کرپشن آسمان سے باتیں کررہی ہے، سعید غنی کا شکار پور کے بچے کی ہلاکت میں حکومت کے بجائے ماں باپ کو قصور قراردینا باعث شرم ہے.

Comments

comments

یہ بھی پڑھیں