The news is by your side.

Advertisement

بغداد: اسپتال کے کورونا وارڈ میں ہولناک آتشزدگی، 52افراد لقمہ اجل بن گئے

بغداد : عراقی شہر ناصریا کے اسپتال میں ہولناک آتشزدگی کے نتیجے میں 52 افراد لقمہ اجل بن گئے، آگ اسپتال کے کورونا وارڈ میں آکسیجن سلنڈر پھٹنے سے لگی۔

تفصیلات کے مطابق عراقی دارلحکومت بغداد کے اسپتال میں کورونا وارڈ میں ہولناک آتشزدگی کے نتیجے میں 52 افراد جاں بحق اور 22 افراد جھلس گئے، حکام نے ہلاکتوں میں اضافے کا خدشہ ظاہر کردیا ہے۔

آتشزدگی کایہ واقعہ عراقی شہرناصریامیں پیش آیا، سرکاری میڈیا کے مطابق آگ لگنے کہ بعد متعدد افراد اسپتال میں پھنس گئے، جس میں سے سولہ افراد کو ریسکیوکرلیا گیا ہے۔

پولیس کی ابتدائی تفتیش کے مطابق آگ لگنےکایہ واقعہ وارڈ میں رکھے آکسیجن سلنڈر پھٹنےکہ باعث پیش آیا۔

عراقی وزیرِ اعظم مصطفی الکاظمی نے اسپتال انتظامیہ کی گرفتاری کا حکم دیدیا۔

اسپتال انتظامیہ نے بتایا کہ اسپتال کے کورونا وارڈ میں 70 بیڈز کی گنجائش موجود ہے اور اسپتال تین ماہ قبل تعمیر کیا گیا تھا، آگ لگنے کے وقت کورونا وارڈ میں کم سے کم 63 افراد موجود تھے۔

یاد رہے اپریل میں بغداد کے ایک اسپتال میں آتشزدگی کے باعث 82 افراد ہلاک جب کہ 100 سے زائد زخمی ہو گئے تھے۔

حکام نے بتایا تھا کہ آگ بغداد کے ابن الخطیب اسپتال کے آکسیجن ذخیرہ کرنے والے اسٹور میں سیلنڈر پھٹنے سے لگی تھی۔

Comments

یہ بھی پڑھیں