کراچی: آئی آئی چندریگر روڈ پرواقع عمارت میں لگی آگ پرقابو پالیا گیا -
The news is by your side.

Advertisement

کراچی: آئی آئی چندریگر روڈ پرواقع عمارت میں لگی آگ پرقابو پالیا گیا

کراچی : شہرقائد میں آئی آئی چندریگرروڈ پرواقع عمارت میں لگی آگ پر فائربریگیڈ، پاک بحریہ اور دیگر اداروں کی 10 گاڑیوں کی مدد سے قابو پالیا گیا

تفصیلات کے مطابق کراچی میں آئی آئی چندریگر روڈ پرواقع عمارت میں لگنے والی آگ پر سات گھنٹے کے بعد قابو پا لیا گیا۔

چیف فائر آفیسر کے مطابق 9 فائرٹینڈر، اسنارکل اور ریسکیو کی گاڑی نے آگ پر قابو پایا، آتشزدگی کے باعث عمارت کی تیسری منزل پرکھڑی 5 گاڑیاں جل گئیں۔

تحسین احمد نے بتایا کہ پانچویں منزل سے راستہ بنا کر عمارت کے اندر داخل ہوئے جبکہ تلاشی سے معلوم ہوا عقبی حصے میں کیبلزجل رہی تھیں۔

چیف فائر آفیسر کا کہنا تھا کہ عمارت چاروں اطراف سے بند ہونے کی وجہ سے دھوئیں کے اخراج کا راستہ نہیں تھا۔

تحسین احمد کا کہنا تھا دھواں ہونے کی وجہ سے آگ کے مقام کا تعین کرنا مشکل تھا، آگ بیسمنٹ میں لگی اورڈک سے اوپرپھیلی۔

چیف فائر آفیسر کا یہ بھی کہنا تھا کہ ڈک کو خالی کیا جائے وہاں تاروں کی تعداد بہت زیادہ ہے، لوگوں کو اپنی حفاظت کے انتظامات کرنے چاہییں۔

واضح رہے کہ آج صبح 5 بجکر 10 منٹ پر کراچی میں آئی آئی چندریگر روڈ پرواقع عمارت میں اچانک آگ بھڑک اٹھی تھی۔

کراچی: فیکٹری میں لگی آگ نے فائربریگیڈ کی خامیاں عیاں کر دیں

یاد رہے کہ رواں سال 5 جولائی کوکراچی کے علاقے سائٹ ایریا میں فوم فیکٹری میں لگنے والے آگ نے سب جلا کر خاکستر کر دیا تھا، آگ پر ساڑھے بارہ گھنٹے بعد قابو پایا جاسکا تھا۔

Comments

comments

یہ بھی پڑھیں