site
stats
پاکستان

کراچی: گتے کی فیکٹری میں آتشزدگی‘3 ملازمین زخمی

کراچی: شہرقائد کےعلاقےعزیز آباد کی ایک گتہ فیکٹری میں لگنے والی آگ کے نتیجے میں 3 فیکٹری ملازمین زخمی ہوگئے۔

تفصیلات کےمطابق عزیزآباد کے بھنگوریہ گوٹھ میں واقع 3 منزلہ گتہ فیکٹری کی عمارت میں آتشزدگی کا واقعہ علی الصبح پیش آیا۔جس میں تین ملازمین زخمی ہوگئے۔

واقعے کی اطلاع ملتے ہی فائر بریگیڈ کی 5 گاڑیوں نے بھنگوریہ گوٹھ پہنچ کر آگ بجھانے کا عمل شروع کیا،حکام کے مطابق آگ پرتاحال قابو نہیں پایا جاسکا۔

فیکٹری آتشزدگی میں زخمی ملازمین کو فوری طور پراسپتال منتقل کیا گیا جہاں ان کی حالت خطرے سے باہر بتائی گئی۔


کراچی : لانڈھی فیکٹری میں آگ کیمیکل ڈرموں کی وجہ سے لگی


حکام کا کہنا تھا کہ آگ لگنے کی وجوہات کا فوری علم نہیں ہوسکا جبکہ متاثرہ بلڈنگ میں آگ بجھانے کا مناسب انتظام اور باہر نکلنے کا کوئی ہنگامی راستہ موجود نہیں تھا۔

واضح رہےکہ گزشتہ سال 7 دسمبر 2016 کو کراچی میں لائٹ ہاؤس کے قریب کیمیکل گودام میں لگنے والی آگ نے قریبی عمارتوں کو بھی لپیٹ میں لے لیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top