site
stats
پاکستان

نیوکراچی: فیکٹری میں لگنے والی آگ پر12گھنٹے بعد قابو پالیا گیا

 

کراچی : نیوکراچی میں پلاسٹک کا سامان بنانے والی فیکٹری میں لگنے والی آگ پر بارہ گھنٹے بعد قابو پالیا گیا۔ آگ کی شدت سے فیکٹری کی عمارت منہدم ہوگئی۔ پی ایم ٹی بھی گرگئی۔

تفصیلات کے مطابق کراچی میں ایک اورخوفناک آتشزدگی کا واقعہ پیش آیا ہے، کراچی کے علاقے نیو کراچی گودھرا کے قریب پلاسٹک فیکٹری میں خوفناک آتشزدگی سےفیکٹری عمارت زمین بوس ہوگئی۔

نیوکراچی انڈسٹریل ایریا میں پلاسٹک دانہ بنانے والی فیکٹری میں بھڑکتے شعلوں نے تباہی مچادی، بےقابو شعلوں نے دیکھتے ہی دیکھتے پوری فیکٹری کو اپنی لپیٹ میں لےلیا۔

لاکھوں روپے مالیت کا سامان جل کر خاکستر ہوگیا، آگ کی شدت سے فیکٹری کا ایک حصہ دھماکے سےزمین بوس ہوگیا، ملبہ گلی میں دورتک بکھرگیا،۔


مزید پڑھیں: لیاری کی رہائشی عمارت میں آتشزدگی، 3 بچے جاں بحق


اطلاع ملتے ہی فائر بریگیڈ کا عملہ موقع پر پہنچا ، فائر بیگیڈ کی سات گاڑیوں نے آگ پرقابو پانے کی کوشش کی، مٹی کےتیل اورتارپین کے ڈرم پھٹنے سے فائرفائٹرز کو ریسکیوآپریشن میں شدید مشکلات کاسامنا کرنا پڑا۔

آتشزدگی کے باعث فیکٹری کے باہر لگی پی ایم ٹی خفناک دھماکے سے گر گئی جس سےعلاقے میں خوف وہراس پھیل گیا، فائر بریگیڈ کو آپریشن میں اسنارکل کی مدد بھی حاصل رہی، خوش قسمتی سے کسی ملازم کے زخمی ہونے کی اطلاع نہیں ملی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top