The news is by your side.

Advertisement

میو اسپتال میں آتشزدگی، مریضوں کو جان کے لالے پڑگئے

لاہور: لاہور کے میو اسپتال میں آتشزدگی کا واقعہ پیش آیا ہے، آتشزدگی کے باعث مریض وارڈ میں پھنس گئے ہیں۔

تفصیلات کے مطابق آگ میو اسپتال کے تیسری منزل پر واقع آرتھو وارڈ میں لگی، جس کے نتیجے میں وارڈ میں دھواں بھر گیا اور متعدد مریض وارڈ میں پھنس گئے۔

ایم ایس میو اسپتال کے مطابق آرتھو وارڈ سے ملحقہ دوسرے وارڈ سے بھی مریضوں کو باہر نکالا جارہا ہے، ریسکیو کی پانچ گاڑیاں آگ بجھانے میں مصروف عمل ہیں، فوری طور پر آگ لگنے کی وجہ معلوم نہیں ہوسکی ہے۔

ایم ایس میواسپتال نے میڈیا کو بتایا کہ ریسکیو ٹیموں کی بروقت اقدامات کے باعث آرتھو وارڈ پر لگی آگ پر قابو پالیا گیا ہے اور تمام مریضوں کو بحفاظت باہر نکالا گیا، مریضوں کو ریسکیو کرتے وقت کچھ مشکلات پیش آئی، کئی مریضوں کو تو وارڈ کا دروازہ توڑ کر باہر نکالا گیا۔

یہ بھی پڑھیں: ‏لاہور: میو اسپتال کی لفٹ نے معصوم بچے کی جان لے لی

دوسری جانب سیکریٹری صحت پنجاب نے میواسپتال میں آگ لگنےکے واقعے کی فوری رپورٹ طلب کرلی ہے، سیکریٹری صحت نے ہدایت دی کہ مریضوں کو محفوظ جگہ پر پہنچا کر بہترین طبی سہولتیں دی جائیں، طبی سہولتوں کی فراہمی میں غفلت برداشت نہیں کی جائیگی۔

Comments

یہ بھی پڑھیں