لندن : برطانوی دارالحکومت لندن میں گریفنل ٹاور میں بھڑک اٹھنے والی آگ نے27 منزلہ عمارت کو اپنی لپیٹ میں لے لیا ہے۔
تفصیلات کےمطابق لندن میں لٹمر روڈ پر واقع گریفنل ٹاور میں آگ مقامی وقت کے مطابق شب ایک بج کر 16 منٹ پر لگی جسے بجھانے کے لیے 200 فائر فائیٹرز مصروف ہیں۔
میٹروپولیٹن پولیس کا کہنا ہے کہ لوگوں کو مختلف قسم کی چوٹیں آئی ہیں جن کا علاج معالجہ کیا جا رہا ہے۔
I really hope everyone got out ok. #PrayersForGrenfell #london #kensington #fire #GrenfellTowerFire pic.twitter.com/FHZ6cgMN9s
— Kevin W. (@kwilli1046) June 14, 2017
لندن کی فائر بریگیڈ کا کہنا ہے کہ آگ بجھانے کے لیے 40 گاڑیوں کو روانہ کر دیا گیا ہے۔ریسکیو حکام کےمطابق تاحال آگ لگنے کی وجہ معلوم نہیں ہوسکی ہے۔
پولیس نے علاقے کو گھیرے میں لے لیا ہے اور علاقے سے لوگوں کا انخلا جاری ہے۔
عینی شاہدین کے مطابق عمارت کی بالائی منزلوں پر لوگ موجود ہیں جو مدد کے لیے فلیش لائٹس سے اشارے بھی کر رہے ہیں۔
واضح رہےکہ میئرلندن صادق خان نےسماجی رابطے کی ویب سائٹ ٹویٹر پر لندن میں گریفنل ٹاور میں لگنے والی آگ کو خطرناک حادثہ قراردے دیا۔
Major incident declared at Grenfell Tower in Kensington. 40 fire engines & 200 firefighters at the scene – follow @LondonFire for updates.
— Sadiq Khan (@SadiqKhan) June 14, 2017
