The news is by your side.

Advertisement

دبئی: لکڑی کی فیکڑی میں ہولناک آتشزدگی

دبئی : اماراتی ریاست کے صنعتی علاقے میں واقع میں فیکڑی میں اچانک خوفناک آگ بھڑک اٹھی جس نے عمارت کو مکمل طور پر تباہ کردیا۔

تفصیلات کے مطابق متحدہ عرب امارات کی ریاست دبئی کے علاقے الجبیل میں واقعے لکڑی کے بکس بنانے والی کمپنی میں جمعے کے روز اچانک آگ بھڑک اٹھی جس نے دیکھتے ہی دیکھتے پوری عمارت کو اپنی لپیٹ میں لےلیا۔

اماراتی خبر رساں ادارے کا کہنا ہے کہ دبئی سول ڈیفینس کا عملہ آگ پر قابو پانے میں مصروف ہیں۔

مقامی میڈیا کا کہنا ہے کہ آتشزدگی کے باعث نذر آتش ہونے والی عمارت سے دھوائیں کے شدید کالے بادل اٹھتے ہوئے دور سے نظر آرہے ہیں۔

دبئی سول ڈیفینس کے ترجمان نے خبر رساں اداروں کو بتایا کہ ’ہمیں صبح 9 بج کر 21 منٹ پر الجبیل کے علاقے سے آتشزدگی کی اطلاع موصول ہوئی تھی۔

دبئی سول ڈیفینس کے ترجمان کا کہنا ہے کہ اطلاع موصول ہوتے ہی فائرفایٹرز دس منٹ میں جائے حادثہ پر پہنچ گئے تھے، عفریت کی شکل اختیار کرنے والی آگ پر قابو پانے میں جبل علی، دبئی انوسٹمنٹ اور دبئی پارک فائر اسٹیشن کا عملہ شامل ہے۔

ترجمان کا کہنا ہے کہ آتشزدگی کے واقعے میں تاحال کسی کے ہلاک یا زخمی ہونے کی اطلاعات موصول نہیں ہوئی ہیں۔

اماراتی خبر رساں ادارے کا کہنا ہے کہ پولیس نے صنعتی علاقے میں جانے والی تمام سڑکیں بند کردیں ہیں تاکہ ہنگامی خدمات انجام دینے والے عملے کو ریسکیوں آپریشن میں مشکلات پیش نہ آئیں۔

مزید پڑھیں : شارجہ : گودام میں ہولناک آتشزدگی

خیال رہے کہ ایک ہفتہ قبل اماراتی ریاست کے صنعتی علاقے میں واقع میں گودام اچانک ہولناک آگ بھڑک اٹھی جس نے لکڑی کے گودام کی عمارت کو مکمل طور پر تباہ کردیا۔

مزید پڑھیں : شارجہ : رہائشی عمارت میں خوفناک آتشزدگی، 7 سالہ بچہ ہلاک

یاد رہے کہ گذشتہ ماہ متحدہ عرب امارات کی ریاست شارجہ کے علاقے القولایا میں واقع کثیرالمنزلہ رہائشی عمارت میں نامعلوم وجوہات کی بناء پر بھڑک اٹھی تھی جس کے نتیجے میں گھر میں موجود 7 سالہ بچہ جھلس کر ہلاک ہوگیا تھا۔

Comments

comments

یہ بھی پڑھیں