The news is by your side.

Advertisement

کراچی میں دھاگا بنانے والی فیکٹری میں لگی آگ پر قابو پالیا گیا

کراچی : نیو کراچی صنعتی ایریا میں دھاگا بنانے کی فیکٹری میں لگی آگ پر قابو پا لیا گیا، جس کے بعد متاثرہ ہوزری فیکٹری میں کولنگ جاری ہے۔

تفصیلات کے مطابق کراچی کی ایک اور فیکٹری میں آتش زدگی کا واقعہ پیش آیا، جہاں نیو کراچی صنعتی ایریا میں واقع دھاگا بنانےکی فیکٹری میں آگ بھڑک اٹھی۔

آگ بہت تیزی سے پھیلی اور فیکٹری کے دیگر حصوں کو بھی اپنی لپیٹ میں لے لیا، واقعے کی اطلاع ملتے ہی فائر بریگیڈ کی گاڑیوں نے موقع پر پہنچ کر آگ بجھانے کا عمل شروع کیا اور بھرپور کوشش کے بعد آگ پر قابو پالیا۔

فائربریگیڈحکام نے بتایا نیوکراچی صنعتی ایریا میں فیکٹری میں آگ بجھادی گئی، فائربریگیڈ کی 7گاڑیوں کی مدد سے آگ پر قابو پایا گیا۔

حکام کے مطابق فیکٹری میں آگ بجھانے کا کوئی انتظام موجود نہیں تھا، ہوزری فیکٹری کی دیواریں توڑ کر آگ بجھائی گئی، متاثرہ ہوزری فیکٹری میں کولنگ جاری ہے۔

بریگیڈ حکام کا کہنا تھا کہ آگ لگنے کی وجہ تاحال معلوم نہیں ہوسکی جبکہ آگ لگنے سے کوئی ہلاک یا زخمی نہیں ہوا۔ تاہم آگ لگنے سے لاکھوں روپے کا قیمتی سامان جل کر خاکستر ہوگیا۔

Comments

یہ بھی پڑھیں