The news is by your side.

Advertisement

گوجرانوالہ: گتے کی فیکٹری میں آتشزدگی

گوجرانوالہ: صوبہ پنجاب کےشہرگوجرانوالہ میں گتے کی فیکٹری میں آگ نےعمارت کو اپنی لپیٹ میں لے لیا۔

تفصیلات کےمطابق گوجرانوالہ کے علاقے معافی والا میں واقع گتےکی فیکٹری میں اچانک آگ لگ گئی جس نے دیکھتے ہی دیکھتے ساری عمارت کو اپنی لپیٹ میں لے لیا۔

آتشزدگی کےواقعے کے اطلاع ملتے ہی فائربریگیڈ کی گاڑیاں موقع پر پہنچ گئیں اور آگ پر قابو پانے کی کوششیں شروع کردیں۔

ریسکیو اہلکاروں نےفیکٹری کےگودام کی دیوار توڑ دی اور آگ پر قابو پانے کی کوشش کر رہے ہیں،جبکہ آگ نے فیکٹری کے قریب کھڑی گاڑی کو بھی اپنی لیٹ میں لے لیا۔

گتے کی فیکٹری میں آگ لگنے کے باعث لاکھوں کا سامان بھی جل کرخاکستر ہو گیا ہے۔

مزید پڑھیں: لاہور:گارمنٹس فیکٹری میں آتشزدگی،3مزدور جاں بحق

یاد رہے کہ گزشتہ ماہ لاہور میں راوی روڈ کے قریب گارمنٹس فیکڑی میں آگ لگنے سے3 مزدور20 سالہ جاوید، 40 سالہ جہاں زیب اور 20 سالہ شاہد جھلس کر جاں بحق ہوگئے تھے۔

واضح رہے کہ گزشتہ چند ماہ کے دوران صوبہ پنجاب اور ملک کے دیگر حصوں میں آتشزدگی کے واقعات میں اضافہ ہوا ہے جس میں اب تک درجنوں افراد جان کی بازی ہارچکے ہیں۔

Print Friendly, PDF & Email

Comments

comments

یہ بھی پڑھیں