site
stats
پاکستان

کراچی میں ٹائر کے گودام میں لگی آگ بے قابو

کراچی: صوبہ سندھ کے دارالحکومت کراچی میں ہاکس بے روڈ پر ٹائر کے گودام میں لگی آگ پر قابو پانے کی کوششیں جاری ہیں۔ فائر بریگیڈ اور پاک بحریہ کے فائر ٹینڈرز آگ بجھانے میں مصروف ہیں۔

تفصیلات کے مطابق کراچی میں ماڑی پور روڈ پر واقع گیٹ نمبر 6 پر ٹائروں کے بڑے گودام میں رات گئے آگ لگ گئی۔ دیکھتے ہی دیکھتے آگ کے شعلے آسمان سے باتیں کرنے لگے۔

تاجروں نے اپنی مدد آپ کے تحت آگ بجھانے کی کوشش کی اور گودام سے ٹائر نکالنے شروع کردیے۔

مزید پڑھیں: ناظم آباد کی رہائشی عمارت میں آتش زدگی

اطلاع ملنے پر فائربریگیڈ کی گاڑیاں موقع پر پہنچ گئیں۔ آگ تیسرے درجے کی قرار دے دی گئی۔

فائر بریگیڈ کے 10 اور پاک بحریہ کے 4 فائر ٹینڈرز آگ پر قابو پانے میں مصروف ہیں۔ آگ کی شدت زیادہ ہونے کے باعث امدادی کارروائیوں میں مشکلات پیش آ رہی ہیں۔

ماڑی پور روڈ پر ٹریفک جام ہونے کی وجہ سے پانی لے کر آنے والی فائر بریگیڈ کی گاڑی بھی پھنس گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top