چینی شہرہربن کےہوٹل میں آتشزدگی‘ 18 افراد ہلاک -
The news is by your side.

Advertisement

چینی شہرہربن کےہوٹل میں آتشزدگی‘ 18 افراد ہلاک

بیجنگ : چین کے شمال مشرقی شہرہربن کے ایک ہوٹل میں آگ لگنے سے 18 افراد ہلاک جبکہ درجنوں افراد زخمی ہوگئے۔

تفصیلات کے مطابق چین کے شہرہربن میں سن آئی لینڈ ریزورٹ ایریا میں واقع ہوٹل میں آگ لگنے کے نتیجے میں 18 افراد جان کی بازی ہار گئے۔

ریسکیو حکام کا کہنا ہے کہ آتشزدگی کے واقعے میں زخمی ہونے والے افراد کو اسپتال منتقل کردیا گیا ہے جہاں انہیں طبی امداد دی جا رہی ہے۔

پولیس حکام کا کہنا ہے ہوٹل میں آگ لگنے کی وجہ کا تاحال تعین نہیں ہوسکا، تاہم اس حوالے سے تحقیقات جاری ہیں۔

یاد رہے کہ رواں سال اپریل میں چین کے صوبے گوانگ ڈونگ میں واقع میوزک سینٹر میں آگ لگنے سے 18 افراد جھلس کرہلاک ہوگئے تھے۔

آگ تین منزلہ عمارت میں مقامی وقت کے مطابق رات ایک بجے لگی تھی جس میں متعدد افراد زخمی بھی ہوئے تھے۔

واضح رہے کہ گزشتہ سال نومبر میں چین کے دارالحکومت بینجنگ میں واقع ایک بلڈنگ میں آگ لگی تھی جس کے نتیجے میں 19 افراد ہلاک ہوئے تھے۔

آتشزدگی کے واقعے کے بعد بیجنگ کی گورنمنٹ کی جانب سے فائر کوڈ اینڈ بلڈنگ سیفٹی کی خلاف ورزی کرنے والوں کے خلاف 40 روزہ آپریشن کیا تھا۔

Comments

comments

یہ بھی پڑھیں