اوسلو : ناروے میں ڈیزل سے بھرے روسی جہاز میں آگ لگ گئی، آگ پر قابو پانے کی کوششوں کے دوران جہاز سمندر میں ڈوب گیا۔
غیرملکی خبررساں ادارے کے مطابق ناروے کے شمالی علاقے میں روسی جہاز میں دو روز تک آگ لگی رہی ،جس پر قابو پانے کی کوششوں کے دوران جہاز پانی میں ڈوب گیا، جہاز میں 2 لاکھ لیٹر ڈیزل اور امونیا ٹینک بھی موجود تھا۔
کوسٹ گارڈ حکام کا کہنا تھا کہ سمندر میں ڈیزل کو پھیلنے سے روکنے کی کوششیں جاری ہیں جبکہ آگ لگنے کی وجہ ابھی سامنے نہیں آئی ہے۔
غیر ملکی خبر رساں ادارے کا کہنا تھا کہ حادثے کے پیش نظر قریبی اسکول بھی بند کردیئے گئے ۔
غیر ملکی خبر رساں ادارے کا کہنا تھا کہ جہاز میں خوفناک آتشزدگی کے بعد 100 سے زائد افراد کو باحفاظت متاثرہ جہاز سے نکال لیا گیا تھا جس میں 29 افراد عملے کا حصّہ تھےجبکہ حادثے کے پیش نظر قریبی اسکول بھی بند کردیئے گئے ۔
پولیس حکام کی جانب سے امونیا ٹینکر میں آگ بھڑکنے کے بعد مسلسل رہائشی آبادی میں کھڑکی دروازے بند رکھنے کے اعلان کیے گئے تھے تاکہ دھویں کے باعث شہریوں کو طبی امداد کی ضرورت نہ پڑجائے۔
غیر ملکی خبر رساں ادارے کا کہنا تھا کہ آگ نے پوری طرح سے جہاز کو تباہ کردیاتھا اس کے باوجود امونیا ٹینک نہیں پھٹا تھا۔
