The news is by your side.

Advertisement

فائر بریگیڈ کی نئی گاڑیاں کراچی پہنچ گئیں

کراچی: وفاقی حکومت کی جانب سے شہر قائد کے عوام کے لیے تحفہ، فائر بریگیڈ کی 50 نئی گاڑیاں اور 2 واٹر باؤزر چین سےکراچی پہنچ گئے۔

ذرائع کے مطابق وزیراعظم عمران خان کی جانب سے پاکستان کے معاشی حب کراچی کیلئے 50 فائر ٹینڈرز کے تحفے کا اعلان کیا گیاتھا، فائر بریگیڈ کی 50 نئی گاڑیاں اور 2 واٹر باؤزر چین سےکراچی پہنچ چکے ہیں۔

ذرائع ایس آئی ڈی سی ایل کے مطابق فائربریگیڈ گاڑیوں کو آف لوڈ کرنے میں دو دن درکارہونگے، ایک ارب 40کروڑروپے سےخریدےگئےفائر ٹینڈرز کراچی پیکج کا حصہ تھے۔

ذرائع کا کہنا ہے کہ جنوری کے وسط میں وزیر اعظم کی کراچی آمد متوقع ہے، وزیراعظم کی کراچی آمد پر فائر ٹینڈرز سندھ حکومت کودیئے جائیں گے، نئے فائر ٹینڈرز کی آمد سے فائر بریگیڈ کی استعداد کار میں اضافہ ہوگا۔

کراچی کے محکمہ فائر بریگیڈ کے پاس44 فائر بریگیڈگاڑیاں تھیں، جن میں سے صرف 14قابل استعمال ہیں۔

اس سے متعلق وفاقی وزیر برائے بحری امور علی زیدی نے اپنے بیان میں کہا تھا کہ وزیراعظم عمران خان کی جانب سے یہ 50 فائر ٹینڈرز کراچی کے لیے تحفہ ہے، دو واٹر باوزر بھی بحری جہاز کے زریعے کراچی پہنچ رہے ہیں، کراچی کے لیے ایسا تحفہ بھیجنے پر وزیراعظم عمران خان کا مشکور ہوں۔

Comments

یہ بھی پڑھیں