ایم اے جناح روڈ پر فائرنگ حساس ادارے کا افسر زخمی -
The news is by your side.

Advertisement

ایم اے جناح روڈ پر فائرنگ حساس ادارے کا افسر زخمی

کراچی : ایم اے جناح روڈ پر فائرنگ سے  حساس ادارے کا افسر زخمی ہوگیا جسے طبی امداد کے لیے اسپتال منتقل کردیا گیا۔

پولیس کے مطابق واقعہ ڈکیتی مزاحمت پر پیش آیا جس کے باعث نامعلوم افراد کی جانب سے سرکاری اہلکار پر فائرنگ کی گئی، زخمی ہونے والے حساس ادارے کے افسر کی شناخت حشام یونس کے نام سے ہوئی ہے۔

پولیس حکام نے مزید بتایا کہ فائرنگ کا واقعہ تاج کمپلیکس کے قریب پیش آیا جہاں نامعلوم مسلح افراد نے حساس ادارے کے اہلکار کو گاڑی روکنے کا اشارہ کیا اور ڈکیتی کے لئے پہنچے تاہم اہلکار کی جانب سے مزاحمت کی گئی جس کے نتیجے میں نامعلوم مسلح افراد فائرنگ کر کے فرار ہوگئے۔

ہاشم یونس کو جناح اسپتال منتقل کردیا گیا ہے جہاں اُن کی حالت خطرے سے باہر بتائی جارہی ہے، پولیس حکام نے جائے وقوعہ سے شواہد اکھٹے کرلیے ہیں اور ملزمان کی تلاش شروع کردی ہے۔

Comments

comments

یہ بھی پڑھیں