site
stats
پاکستان

بیٹے کو قتل اور بیٹی کو گولی مار کر زخمی کرنیوالا باپ گرفتار

لاہور پولیس نے کوٹ لکھپت کے علاقے میں جوان بیٹے کو قتل اور بیٹی کو فائرنگ کرکے زخمی کرنے والے باپ کو گرفتار کرلیا ہے۔

؎عنایت نامی شخص نے ایک ماہ قبل کوٹ لکھپت میں فائرنگ کرکے اپنے بیٹے کو قتل اور بیٹی کو زخمی کردیا تھا جسے آج پولیس نے گرفتار کرلیا۔

ملزم عنایت نےبیٹے وقاص کے سر میں گولیاں مارکر اسے قتل کیا تھا جبکہ بیٹی کے چہرے اور گردن پر گولی ماری۔

ملزم عنایت نے پولیس کو اعترافی بیان میں کہا کہ جوان اولاد نے گاؤں میں بیٹھنے کے قابل نہیں چھوڑا تھا، بیٹے نے عیاشی کی خاطر گھر کا سامان تک بیچنا شروع کردیا تھا جس پر اس نے ایسا اقدام اٹھایا۔

پولیس نے ملزم عنایت کے خلاف ایف آئی درج کرلی ہے جبکہ اس سے مزید تفتیش کا سلسلہ جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top