site
stats
پاکستان

بیس روپے پر تنازع، ٹھیکے دار کی فائرنگ سے 1 شہری جاں بحق

ایبٹ آباد: بے نظیر بھٹو شہید اسپتال کی پارکنگ میں گاڑی کھڑی کرنے کی فیس نہ دینے پر ٹھیکے دار نے ایک شخص کو گولی مار کر قتل جبکہ 2 لوگوں کو زخمی کردیا۔

تفصیلات کے مطابق ایبٹ آباد میں واقع بے نظیر شہید اسپتال کی پارکنگ میں مریض کے ساتھ آئے ہوئے شخص نے جب پارکنگ فیس کے 20 روپے ادا کرنے سے انکار کیا تو وہاں جھگڑا شروع ہوگیا۔

تلخ کلامی کے بعد جب بات ہاتھا پائی تک پہنچی تو پارکنگ کرنے والے ٹھیکے دار نے فائرنگ کی جس کے نتیجے میں 1 شخص جاں بحق اور دو شدید زخمی ہوئے جنہیں ایمرجنسی وارڈ لایا گیا۔

فائرنگ کے بعد لواحقین نے اسپتال کے احاطے میں احتجاج کیا اور توڑ پھوڑ بھی کی جس کے باعث ڈاکٹرز نے ایمرجنسی وارڈ بند کردیا، پولیس کی نفری نے جائے وقوع پہنچ کر مظاہرین کے مذاکرات کیے جس کے بعد مظاہرین وہاں سے منتشر ہوگئے۔

ویڈیو دیکھیں

بعد ازاں پولیس نے فائرنگ کرنے والے ٹھیکے دار کو گرفتار کر کے مقدمہ درج کرلیا، مقتول کے لواحقین نے ملزم کو قانون کے مطابق سزا دینے کا مطالبہ بھی کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top