کراچی: سائٹ کے علاقے میں اسنیپ چیکنگ کے دوران رینجرز پر فائرنگ سے ایک اہلکار زخمی ہوگیا، رینجرز نے جوابی کارروائی کرتے ہوئے حملہ آور کو گرفتار کرکے اسلحہ برآمد کرلیا۔
ترجمان رینجرز کے مطابق سائٹ لیبر اسکوائر کے قریب اسنیپ چیکنگ کے دوران رینجر ز نے موٹرسائیکل سواروں کو روکنے کا اشارہ دیا جس پر انہوں نے رینجرز پر فائرنگ کردی ، جس سے ایک اہلکار زخمی ہوگیا۔
رینجرز نے جوابی کارروائی کرتے ہوئے ایک حملہ آور کو گرفتار کرکے اسلحہ برآمدکرلیا، رینجرز نے گلبہار کے علاقے میں ایک اور کارروائی کے دوران ایک شخص کو حراست میں لیکر تفتیش کیلئے نامعلوم مقام پر منتقل کردیا ۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں