ڈی آئی خان: فائرنگ سے دو پولیس اہلکاروں‌ سمیت 3 جاں بحق - D.I. Khan firing
The news is by your side.

Advertisement

ڈی آئی خان: فائرنگ سے دو پولیس اہلکاروں‌ سمیت 3 جاں بحق

ڈیرہ اسماعیل خان: تھانہ کینٹ کی حدود میں پولیس موبائل وین پر فائرنگ سے اے ایس آئی اور پولیس اہلکار سمیت تین افراد  جاں بحق اور دو زخمی ہوگئے۔

تفصیلات کے مطابق تھانہ کینٹ کی حدود میں مشن موڑ پر واقع باہو پیٹرول پمپ پر دو موٹر سائیکلوں پر سوار 4 نامعلوم مسلح افراد نے تھانہ ڈیرہ ٹاؤن کی موبائل پر اندھا دھند فائرنگ کی اور فرار ہوگئے۔

فائرنگ اس وقت ہوئی جب موبائل میں مذکورہ پیٹرول پمپ سے پیٹرول ڈلوایا جارہا تھا، فائرنگ سے تھانہ ڈیرہ ٹاؤن کے اے ایس آئی رحمت اللہ اور پیٹرول پمپ کا ملازم فضل الرحمن موقع پر جاں بحق ہوئے جبکہ  دو پولیس اہلکار نعمان اور راشد شدید زخمی ہوئے جنہیں فوری طور پراسپتال پہنچایا گیاجہاں  کانسٹیبل نعمان بھی زخموں کی تاب نہ لاتے ہوئے چل بسا۔

اطلاع ملتے ہی ڈی پی او یاسر آفریدی سمیت اعلیٰ پولیس حکام اور پولیس کی بھاری نفری موقع پر پہنچ گئی، ذرائع کے مطابق حادثے کے بعد سیکیورٹی فورسز نے جائے حادثہ پر پہنچ کر شواہد اکھٹے کیے اور علاقے کا محاصرہ کرکے سرچ آپریشن شروع کیا۔

پولیس ذرائع کے مطابق چار حملہ آور دوموٹر سائیکلوں پر سوار تھے، حملہ آور واردات کے بعد پولیس اہلکاروں کی ایک سرکاری کلاشنکوف بھی ساتھ لے گئے۔

Comments

comments

یہ بھی پڑھیں