کراچی، کورنگی میں فائرنگ سے تاجر زخمی
The news is by your side.

Advertisement

کراچی، کورنگی میں فائرنگ سے تاجر زخمی

کراچی: شہر قائد کے علاقے کورنگی میں دکان پر فائرنگ کا واقعہ پیش آیا جس کے نتیجے میں کپڑے کا تاجر زخمی ہوا، تاجروں اور علاقہ مکینوں نے واقعے کے خلاف شدید احتجاج کیا۔

پولیس حکام کے مطابق  موٹرسائیکل سوار مسلح افراد نے کورنگی 6 نمبر مارکیٹ میں موجود کپڑے کی دکان پر فائرنگ کی جس کے نتیجے میں تاجر کے چہرے پر گولی لگی۔

حکام کے مطابق زخمی تاجر کو تشویشناک حالت میں جناح اسپتال منتقل کیا گیا جہاں ڈاکٹرز نے اُسے انتہائی نگہداشت وارڈ شفٹ کیا اور جان بچانے کی ہرممکن کوشش کی۔

مزید پڑھیں: کراچی میں مبینہ پولیس مقابلہ ایک اور شہری کی جان لے گیا

واقعے کے خلاف تاجروں نے کاروباری مراکز بند کرکے شدید احتجاج کیا، اس دوران مکینوں نے شاہراہ پر ٹائر جلاکر سڑک بھی بند کی، مظاہرین کاکہنا تھا کہ ملوث عناصر کو فوری طور پرگرفتار کیا جائے۔

حکام نے خدشہ ظاہر کیا ہے کہ مذکورہ واقعہ ممکنہ طور پر بھتے کا شاخسانہ لگتا ہے جس کی تحقیقات کا آغاز کردیا گیا، پولیس نے جائے وقوعہ سے خول اور شواہد حاصل کیے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں