The news is by your side.

Advertisement

میو ہسپتال میں فائرنگ، ڈاکٹرواجد شدید زخمی

ملتان: میو ہسپتال کی پارکنگ میں علی الصبح فائرنگ سے یورولوجسٹ ڈاکٹر واجد پر فائرنگ کی گئی، اُن کی حالت تشویشناک ہے،آپریشن جاری ہے۔

تفصیلات کے مطابق آج صبح معمول کے مطابق اپنے فرائض کی انجام دہی کے لیے ڈاکٹر واجد علی ہسپتال پہنچے تو نامعلوم افراد نے اُن پر فائرنگ کردی،وہ اپنی گاڑی پارک کررہے تھے،گولیاں لگنے سے ڈاکٹر واجد علی شدید زخمی ہوگئے،انہیں فوری طبی امداد کے لیے میو ہسپتال کے شعبہ ایمرجینسی میں منتقل کیا گیا.

میو ہسپتال کی انتظامیہ کا کہناہے کہ ڈاکٹر واجد علی کا آپریشن جاری ہے اور اُن کے جسم سے گولیاں نکال لی گئی ہیں،تاہم اب بھی اُن کی حالت تشویشناک ہے۔

پولیس نے جائے وقوع پر پہنچ کر شواہد اکھٹے کرنا شروع کر دیے، پولیس کا کہنا ہے کہ ڈاکٹر واجد علی کے ہوش میں آنے کے بعد اُن کا بیان لیا جائے گا،جس کے بعد تحقیقات کے رخ کا تعین کیا جا سکے گا.

پولیس کا کہنا تھا کہ ڈاکٹر واجد علی کے بیان لے لینے تک فائرنگ کی وجوہات کے بارے میں کچھ نہیں کہا جاسکتا،ہسپتال میں موجود ملازمین سے پوچھ گچھ جاری ہے.

Comments

comments

یہ بھی پڑھیں