The news is by your side.

Advertisement

میکسیکو کے نائٹ کلب میں فائرنگ‘ 15 افراد ہلاک

میکسیکوسٹی: میکسیکو کے نائب کلب میں مسلح افراد کی فائرنگ سے 15 افراد ہلاک اور درجنوں زخمی ہوگئے۔

تفصیلات کے مطابق میکسیکو کی ریاست گوانا جواتو میں واقع نائٹ کلب میں فائرنگ سے 15 افراد جان کی بازی ہار گئے۔

میکسیکو پولیس حکام کے مطابق واقعے میں زخمی ہونے والے افراد کو طبی امداد کے لیے اسپتال منتقل کردیا گیا ہے۔

مقامی میڈیا کے مطابق مسلح افراد نے وسطی شہر سلامانکا میں واقع لاپلایا نائٹ کلب میں فائرنگ کی اور فرار ہوگئے۔

یاد رہے کہ میکسیکو کے شہر سلامانکا میں سرکاری آئل کمپنی پیٹرولیوس میکسیکانوس کی مرکزی پائپ لائن ہے جہاں تیل چوروں نے گزشتہ چند سالوں میں کمپنی کو 3 ارب ڈالر کا نقصان پہنچایا ہے۔

میکسیکو: وہاکا کا میئر حلف ا ٹھانے کے کچھ دیر بعد قتل

واضح رہے کہ رواں سال جنوری میں میکسیکو کی جنوبی ریاست وہاکا کے بد قسمت میئر کو حلف اٹھانے کے محض دو گھنٹے بعد ہی فائرنگ کر کے ہلاک کر دیا گیا تھا۔

پولیس کے مطابق میئر اپاریسیو حلف اٹھانے کے بعد مختلف سٹی آفسز کے دورے پر تھے، اور ان کے حامی ان کے گرد جمع تھے کہ ایسے میں قاتل نے ان پر فائرنگ کردی تھی۔ پولیس کا کہنا تھا کہ مشتبہ قاتل شمالی میکسیکو میں سابق پولیس اہل کار تھا۔

Comments

comments

یہ بھی پڑھیں