The news is by your side.

Advertisement

حلقہ این اے 120: تحریک انصاف اور پیپلزپارٹی کے دفاتر کے باہر فائرنگ

لاہور: حلقہ این اے 120 میں تحریک انصاف اور پیپلزپارٹی کے انتخابی دفاتر کے قریب نامعلوم افراد کی فائرنگ سے خوف و ہراس پھیل گیا۔

تفصیلات کے مطابق لاہور کے حلقہ این اے 120 میں انتخابی مہم جاری ہے، اتوار کے روز پی ٹی آئی اور پیپلز پارٹی کے انتخابی دفاتر کے قریب نامعلوم افراد نے ہوائی فائرنگ کی۔

تحریک انصاف اور نیلی بار میں واقع پیپلزپارٹی کے دفاتر کے قریب نامعلوم نے ہوائی فائرنگ کی اور فرار ہوگئے جس کے بعد علاقے میں خوف وہراس پھیل گیا، پولیس کو جیسے ہی واقعے کی اطلاع ملی جائے وقوعہ پر بھاری نفری پہنچ گئی۔

سیاسی جماعتوں کی جانب سے فائرنگ کی شدید الفاظ میں مذمت کی گئی جس کے بعد وزیراعلیٰ شہبازشریف نے فائرنگ کے واقعے کا نوٹس لیتے ہوئے سی سی پی او پنجاب سے رپورٹ طلب کی اور وہ جلد از جلد تحقیقات مکمل کر کے ملزمان کو گرفتار کرنے کے احکامات دیے۔

پیپلزپارٹی کے امیدوار فیصل میر نے میڈیا سے گفتگو کرتے ہوئے کہا کہ ’’دفتر کے باہر سے 14 خول برآمد ہوئے۔ انہوں نے الزام عائد کیا کہ مسلم لیگ ن نے حلقے میں اپنے غنڈے بھیجے ہیں جو ووٹرز کو ہراساں کررہے ہیں‘‘۔

Print Friendly, PDF & Email

Comments

comments

یہ بھی پڑھیں