The news is by your side.

Advertisement

راولپنڈی: ڈسٹرکٹ اسپتال میں پولیس کی وردی پہنے شخص کی فائرنگ، دو افراد جاں بحق

راولپنڈی: صوبہ پنجاب میں ڈسٹرکٹ اسپتال کی ایمرجنسی میں پولیس کی وردی پہنے شخص نے فائرنگ کردی جس کے باعث دو افراد جاں بحق ہوگئے۔

تفصیلات کے مطابق راولپنڈی کے ڈسٹرکٹ اسپتال میں ہونے والی فائرنگ کے بعد ڈاکٹرز نے ایمرجنسی گیٹ کی تالہ بندی کردی، پولیس حکام موقع پر پہنچ گئے۔

راجہ بازار میں واقع ڈسٹرکٹ ہیڈکوارٹر اسپتال کی سیکیورٹی سوالیہ نشان بن گئی، پولیس کی وردی پہنے شخص نے ایمرجنسی سروسز میں داخل ہوتے فائرنگ شروع کردی جس سے 50سالہ مریض لہراسب اور 24سالپ اٹینڈنٹ نوید جان کی بازی ہار گئے۔

واقع کے بعد اسپتال کی ایمرجنسی کو ڈاکٹرز نے تالے لگا دیئے، ایس راول سمیت اعلی حکام موقع پر پہنچ گئے ابتدائی تحقیقات کے مطابق ملزم اور مقتول افراد کا تعلق کلرسیداں سے ہے، واقع خاندانی دشمنی کا شاخساہ لگتا ہے۔

یاد رہے کہ اکتوبر 2016 میں راولپنڈی کے بے نظیر اسپتال کی ایمرجنسی میں مسلح افراد نے گھس کر فائرنگ کی تھی جس کے نتیجے میں خاتون جاں بحق اور دو افراد زخمی ہوئے تھے۔

Comments

comments

یہ بھی پڑھیں