تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امریکا میں فائرنگ، دو افراد ہلاک، ایک پولیس اہلکار زخمی

واشنگٹن: امریکی ریاست مسیسیپی کے وال مارٹ میں فائرنگ سے دو افراد ہلاک اور ایک پولیس اہلکار زخمی ہوگیا۔

تفصیلات کے مطابق امریکی ریاست مسیسیپی کے وال مارٹ میں فائرنگ کا واقعہ پیش آیا، جس کے نتیجے میں دو افراد ہلاک ہوگئے جبکہ زخمی پولیس اہلکار کو اسپتال میں طبی امداد فراہم کی جارہی ہے۔

مقامی میڈیا کا کہنا ہے کہ فائرنگ کرنے والا مشتبہ شخص بھی زخمی حالت میں اسپتال منتقل کردیا گیا، جبکہ پولیس نے مشتبہ شخص پر خصوصی نظر رکھی ہوئی ہے جیسے ہی طبیعت بہتر ہوئی تفتیش کا آغاز کیا جائے گا۔

یہ واقعہ مسیسیپی کے شہر ساوتھ ہیون میں پیش آیا، فائرنگ کی کوئی وجہ ابھی سامنے نہیں آئی، البتہ پولیس نے تحقیقات کا آغاز کردیا ہے۔

امریکی میڈیا کے مطابق فائرنگ کا نشانہ بننے والے دونوں افراد اسی وال مارٹ کے ملازم تھے جبکہ فائرنگ کرنے والا مشتبہ شخص بھی وہیں ملازم تھا۔ فائرنگ میں ہلاک ہونے والوں کی شناخت ابھی ظاہر نہیں کی گئی ہے۔

امریکا میں فائرنگ کے مختلف واقعات، 16 افراد ہلاک

یاد رہے کہ گذشتہ ماہ جون میں امریکا میں چوبیس گھنٹے کے دوران ملک کی مختلف ریاستوں میں فائرنگ کے اکسٹھ واقعات ریکارڈ ہوئے تھے۔

Comments

- Advertisement -