The news is by your side.

Advertisement

شجاع آباد: شادی کے دوران ہوائی فائرنگ، نوجوان زخمی، دولہا گرفتار

لاہور : شجاع آباد شادی کی تقریب میں ہوائی فائرنگ سے پندرہ سالہ نوجوان زخمی ہوگیا، پولیس نے دولہا کو حراست میں لے لیا ہے۔

تفصیلات کے مطابق پنجاب کے اندورن شہر شجاع آباد میں شادی کی تقریب کے دوران ہوائی فائرنگ کی گئی ، جس کے نتیجے میں پندرہ سالہ غلام دین شدید زخمی ہوگیا، زخمی نوجوان کو تشویشناک حالت میں نشتر ہسپتال منتقل کر دیا گیا ہے۔

اطلاع ملنے پر تھانہ سٹی پولیس موقع پر پہنچ گئی، پولیس نے موقع پر کاروائی کرتے ہوئے دولہا تیمور کو گرفتار کر کے حوالات میں بند کردیا۔

دولہا کے سر پر سہرا گلے میں نوٹوں کے ہار اور دل میں سہانے خواب سجائے اس وقت چکنا چور ہوئے جب کسی باراتی کی غلطی سے حسرتوں پر پانی پھر گیا اور اسے حوالات کی سیر کرنا پڑی اور دلہن دولہا کا انتظار کرتی رہی۔


مزید پڑھیں :  گوجرانوالہ، شادی کی تقریب میں فائرنگ، دلہن کا بہنوئی ہلاک


یاد رہے رواں سال کے آغاز میں گوجرانوالہ جی ٹی روڈ پر واقع نجی شادی ہال میں مقامی رہائشی خالد بٹ کی بیٹی کی شادی کی تقریب جاری تھی کہ کالے رنگ کی گاڑی میں سوار نامعلوم افراد نے دلہن کے بہنوئی فیصل پر فائرنگ کر دی جس کے نتیجے میں وہ موقع پر ہی ہلاک ہوگیا تھا۔

Print Friendly, PDF & Email

Comments

comments

یہ بھی پڑھیں