بالی ووڈ کی معروف اداکار جوڑی وکی کوشل اور’باربی ڈول‘ کترینہ کیف کی شادی کو کل ایک سال مکمل ہونے والا ہے۔
کترینہ کیف اور وکی کوشل اپنی شادی کی پہلی سالگرہ منانے کے لیے پہاڑوں پر پہنچ گئیں ہیں۔
فوٹو اینڈ ویڈیو شیئرنگ ایپ انسٹا گرام پر کترینہ کیف نے اپنی کچھ خوبصورت تصاویر شئیر کی ہیں، تصویروں میں دیکھا جاسکتا ہے کہ وہ ایک خوبصورت وادی میں کھڑی ہوئی ہیں۔
ان تصویر میں کترینہ نے کریم اور سرخ رنگ والی سوئٹ شرٹ پہن رکھی ہے، انہوں نے کیپشن میں جس طرح ہسبینڈ لکھا اس سے یہی اندازہ ہوتا ہے کہ ان کی یہ تصویریں ان کے شوہر نے ہی لی ہیں۔
بالی وڈ کی معروف اداکارہ کترینہ نے اس پوسٹ کے کیپشن میں لکھا ’’پہاڑوں میں‘‘ساتھ ہی ہسبینڈ بھی لکھا۔
View this post on Instagram
واضح رہے کہ انہوں نے اس پوسٹ میں یہ واضح نہیں کیا کہ وہ کس شہر ملک میں اپنی شادی کی سالگرہ منائیں گی۔
یاد رہے کہ دونوں نے گزشتہ سال 9 دسمبر کو راجستھان کے ضلع سوائی مادھوپور میں اپنی فیملی اور قریبی دوستوں کی موجودگی میں شادی کی تھی۔
