ڈبلن: پاکستانی اوپنر شرجیل خان نے کیرئیر کی بہترین اننگز آئرلینڈ کیخلاف کھیل ڈالی، آئرش ٹیم کیخلاف سب سے بڑی انفرادی اننگز کھیلنے والے پاکستانی بن گئے۔
ڈبلن کے میدان میں آئرلینڈ کے خلاف پاکستانی اوپنر شرجیل خان نے تاریخ ساز اننگز کھیل ڈالی، جارحانہ انداز سے کھیلنے والے اوپنر نے چھکے لگا کر شائقین کرکٹ کو خوب کیچ پریکٹس کرائی، شاندار اننگز نے آئرش ٹیم کے رنگ اڑا دیئے، نصف سنچری چھکا لگا کر مکمل کی۔
شرجیل خان کا بیٹ رنز اگلتا رہا اور اکسٹھ گیندوں پر سنچری چوکا لگا کر بنائی، ایک سو باون رنز کی شاندار اننگز کھیلنے کے بعد آئرش ٹیم نے بڑی مشکل سے پاکستانی اوپنر کو قابو کرہی لیا، شرجیل خان کی کیرئیر بیسٹ اننگز میں نو چھکے اور سولہ چوکے شامل ہیں۔
آئرلینڈ کے شہر ڈبلن میں پاکستان اور آئرلینڈ کے درمیان 2 ون ڈے میچز کی سیریز کے پہلا میچ میں پاکستان نے جیت کیلئے میزبان ٹیم کو تین سو اڑتیس رنز کا ہدف دے دیا ۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں