لاہور: شہرثقافت میں رواں ہفتے منعقد ہونے والا ’لاہورلٹریری فیسٹیول‘‘سیکیورٹی وجوہات کے سبب جمعے کے بجائے ہفتے سے شروع ہوگا۔
لاہور ادبی میلے کے منتظمین نے اپنےفیس بک پیغام میں کہا ہے کہ ادبی میلے کا پہلادن حکومتِ پنجاب کی جانب سے جاری کردہ سیکیورٹٰی ایڈوائز کی بنا پرملتوی کیا ہے۔
Announcement#LLF2016 will start on Saturday, Feb. 20, and conclude on Sunday, Feb. 21. Originally, this year’s…
Posted by Lahore Literary Festival on Wednesday, February 17, 2016
منسوخ ہونے والے دن میں کل 24 سیشنز شیڈول تھے جو کہ ملکی اور غیرملکی ادیبوں پر مشتمل تھے۔
سٹی ڈسٹرکٹ گورنمنٹ لاہورنے ’لٹریری فیسٹیول‘ کی انتظامیہ کو جاری کردہ این اوسی (نو آبجیکشن سرٹیفیکٹ) سیکیورٹی وجوہات کے سبب منسوخ کردیا تھا اور ان کا اب بھی یہی موقف ہے کہ دہشت گردی کے شدید خدشات کے سبب ادبی میلہ موخرکردیا جائے ۔
ڈی سی او لاہور کی جانب سے ادبی میلے کے منتظمین کو خط بھیجا گیا تھاجس میں اجازت نامہ منسوخ کرنے کا کہا گیا تھا تاہم ادبی میلے کی انتظامیہ سے مذاکرات کے بعد منسوخ شدہ اجازت نامے کو دو روز کے لئے بحال کردیا گیا۔
این او سی کی بحالی کے بعد لاہورلٹریری فیسٹیول کا انعقاد 20 اور21 فروری کو ہوگا۔ واضح رہے کہ ملکی اورغیر ملکی ادیبوں کے وفد پہلے ہی لاہورپہنچ چکے ہیں۔
