کیلی فورنیا : اب سیاح خلا میں فائیو اسٹار ہوٹل میں قیام کر سکیں گے، امریکی کمپنی کی جانب سے خلائی اسٹیشن پر ایک منفرد ہوٹل 2021 تک قائم کیا جائے گا۔
تفصیلات کے مطابق امریکی کمپنی آرین اسپیَن نے 2021ء تک بین الاقوامی خلائی اسٹیشن پر فائیو اسٹار ہوٹل تعمیر کرنے کا اعلان کیا اور اس سلسلے میں مختلف منصوبوں کا جائزہ لیا جا رہا ہے۔
آرین اسپیَن کے سی ای او کا کہنا ہے کہ ہم پہلی بار خلا میں ایک سستا اور لگژری ہوٹل ارورا اسٹیشن شروع کرنے جارہے ہیں، آرین سپین از خود ارورا اسٹیشن تعمیر کررہا ہے ، کمپنی کے کچھ انتہائی اہم انجینئرز اس پر کام کررہے ہیں اور انہوں نے ڈیزائن بنانے اور آئی ایس ایس کو چلانے میں مدد دی ہے جبکہ ہیوسٹن میں ایک ہوٹل اور ساحلی علاقے میں اسے چلانے کے لیے سافٹ فیئر بھی تیار کیا جارہا ہے۔
ارورا اسٹیشن ایک بڑے جیٹ کے کیبن کے سائز کے برابر ہوگا، اسی کی لمبائی 43.5 فٹ اور چوڑائی 14.1 فٹ ہوگی۔
خلا میں گردش کرتے اس پرتعیش ہوٹل میں ایک وقت میں چھ لوگ قیام کر سکیں گے لیکن یہاں قیام سستا نہیں ہوگا۔
سیاحوں سے بارہ دن کے قیام کیلئے ساڑے نو ملین ڈالرز فی کس وصول کیے جائیں گے، اس دوران سیاح ریسرچ پروگرام کا بھی حصہ بن سکیں گے جبکہ وائی فائی کی سہولت بھی فراہم کی جائے گی۔
https://youtu.be/4AsRGV2wXnc
یاد رہے اس سے قبل روسی کمپنی ’’ روسکوسموس‘‘ نے بھی اعلان کیا تھا کہ وہ 2022 تک بین الاقوامی خلائی اسٹیشن پر فائیوسٹار ہوٹل تعمیر کرے گا۔
