پی آئی اے کی پہلی حج پرواز329 حجاج کو لےکرلاہور پہنچ گئی -
The news is by your side.

Advertisement

پی آئی اے کی پہلی حج پرواز329 حجاج کو لےکرلاہور پہنچ گئی

لاہور: فریضہ حج کی ادائیگی کے لیے سعودی عرب جانے والے 329 حجاج کو لے کر پی آئی اے کی پہلی پرواز لاہور پہنچ گئی۔

تفصیلات کے مطابق سعودی عرب سے پہلی حج پرواز329 حجاج کو لے کر لاہور پہنچ گئی، پرواز کی آمد پر پی آئی اے اعلیٰ حکام نے حجاج کا استقبال کیا۔

پی آئی اے کے شعبہ تعلقات عامہ کی جانب سے حجاج کو پھولوں کے ہار پہنائے گئے اور انہیں مبارکباد بھی دی گئی۔

پی آئی اے کے ترجمان کا کہنا ہے کہ جدہ اور مدینہ سے خصوصی اور شیڈول پروازیں چلائی جا رہی ہیں جن کے ذریعے 68 ہزار سے زائد حجاج کو وطن واپس لایا جائے گا۔

ترجمان نے مزید کہا کہ حجاج کو اسلام آباد، لاہور، کراچی، پشاور، سیالکوٹ، ملتان اور فیصل آباد پہنچایا جائے گا۔

دوسری جانب نجی ایئرلائن کی پرواز پی اے 417 سے 220 حجاج کو لے کر لاہور پہنچی۔

ترجمان پی آئی آے کے مطابق حجاج کی واپسی کے لیے فلائٹ آپریشن 25 ستمبرتک جاری رہے گا۔

پہلی حج پرواز 325 حجاج کو لے کر اسلام آباد پہنچ گئی

یاد رہے کہ گزشتہ روز فریضہ حج کی ادائیگی کے بعد 325 حجاج کرام کو لے کر پہلی حج پرواز پی کے 3002 اسلام آباد بروقت پہنچ گئی تھی۔

Comments

comments

یہ بھی پڑھیں