The news is by your side.

Advertisement

پی آئی اے کی پہلی حج پرواز تین سو سےزائد عازمین کو لےکرمدینہ پہنچ گئی

مدینہ : کراچی سے پی آئی اے کی پہلی حج پرواز تین سو سے زائد عازمین کو لے کر حجاز مقدس پہنچ گئی۔

تفصیلات کے مطابق جناح انٹرنیشنل ایئرپورٹ کراچی سے پہلی سرکاری فلائٹ پی کے 7001 تین سو سے زائد عازمین حج کو لے کر مدینہ پہنچ گئی۔

مدینہ کے حج ٹرمینل پر پی آئی اے کنٹری منیجرودیگرافسران نے استقبال عازمین حج کا استقبال کیا۔

قومی ایئرلائن کے چیف ایگزیکٹو آفیسرمشرف رسول نے کہا کہ حج آپریشن میں تمام عازمین حج کو بہترسہولتیں فراہم کریں گے، عازمین کی خدمت کرنا پی آئی اے کے اولین فرائض میں شامل ہے۔

حج فلائٹ آپریشن کے دوران 200 پروازیں چلائی جائیں گی جن میں 60 ہزار سے زائد عازمین حج کے لیے جدہ اور مدینہ پہنچائے جائیں گے۔

پی آئی اے کا قبل از حج فلائٹ آپریشن 15 اگست تک جاری رہے گا، فلائٹ آپریشن میں بوئنگ 777 ایئربس 320 طیارے استعمال کیےجائیں گے۔

خیال رہے کہ پی آئی اے اس سال بھی اپنے ہی طیاروں کے ذریعے حج آپریشن مکمل کرے گی ،قومی ایئرلائن کے حج آپریشن کے دوران بوئنگ 777 اور ائیربس 320 طیارے عازمین حج کو سفری سہولیات فراہم کریں گے۔

واضح رہے کہ عازمین حج کی 14 جولائی کو شروع ہونے والی روانگی کا سلسلہ 15اگست تک جاری رہے گا، جبکہ فریضہ حج کی ادائیگی کے بعد حاجیوں کی واپسی کے لیے بعد ازحج آپریشن 27 اگست سے شروع کیا جائے گا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں