راولپنڈی میں پاکستان اور آسٹریلیا کے درمیان کھیلا گیا پہلا ٹیسٹ دونوں ٹیموں کے درمیان ڈرا ہوگیا۔
پاکستان اور آسٹریلیا کے درمیان راولپنڈی میں کھیلے جارہے پہلے ٹیسٹ میچ کی دوسری اننگز میں اوپننگ بلے باز امام الحق اور عبداللہ شفیق محتاط بلے بازی کرتے ہوئے سنچریاں مکمل کیں۔
دوسری اننگز میں دونوں اوپنرز کی شاندار بلے کے بازی کے باعث پاکستان نے بغیر کسی نقصان کے 252 رنز بنائے، عبداللہ شفیق نے 136 جب کہ امام الحق 111 رنز بناکر ناقابل شکست رہے۔
پہلی اننگز میں پاکستان نے 476 رنز اننگز ڈکلیئر کر دی تھی جس کے جواب میں آسٹریلوی ٹیم 459 رنز پویلین لوٹ گئی تھی۔
459 رنز پر پوری ٹیم کے ڈھیر ہونے سے پاکستان کو دوسری اننگز کا آغاز کرنے سے پہلے ہی 17 رنز کی برتری حاصل ہوگئی تھی۔
پاکستانی گیند بازوں میں نعمان علی زیادہ کامیاب رہے جنہوں نے 107 رنز دے کر 6 کھلاڑیوں کو آؤٹ کیا جب کہ شاہین شاہ آفریدی نے 88 رنز دیکر 2 کھلاڑیوں جب کہ نسیم شاہ اور ساجد خان نے 1، 1 کھلاڑی کو پویلین کی راہ دکھائی۔
