The news is by your side.

سندھ پولیس کی پہلی بار بین الاقوامی دفاعی نمائش آئیڈیاز میں شرکت

کراچی : سندھ پولیس بین الاقوامی دفاعی نمائش آئیڈیازمیں پہلی بارشرکت کرے گی اور ہال نمبر8 پاکستان پویلین میں خدمات کا مظاہرہ کیا جائے گا۔

تفصیلات کے مطابق کراچی ایکسپو سینٹر میں دفاعی نمائش آئیڈیاز 2022 کا آغاز ہوگیا ہے۔

سندھ پولیس بین الاقوامی دفاعی نمائش آئیڈیازمیں پہلی بارشرکت کرے گی ، ایس ایس یواسپیشل ویپن اینڈٹیکٹکس ٹیم اورانفارمیشن ٹیکنالوجی ونگ کی نمائش کی جائے گی۔

سندھ پولیس ہال نمبر8 پاکستان پویلین میں اپنی خدمات کا مظاہرہ کرے گی۔

ڈی آئی جی ڈاکٹر مقصود نے بتایا کہ نمائش میں تلاش ایپ سے متعلق بھی بریفنگ دی جائے گی۔

خیال رہے 4 سال بعد بین الاقوامی دفاعی نمائش آئیڈیاز کا انعقاد ہورہا ہے ، نمائش پندرہ سے اٹھارہ نومبر تک کراچی ایکسپو سینٹر میں جاری رہے گی۔

ایونٹ ڈیفنس ایکسپورٹ پروموشن آرگنائزیشن کےتحت منعقد کیا جاتا ہے ، ایونٹ عالمی امن، استحکام اور توازن کے مشترکہ مقاصد میں معاون ثابت ہوگا اور عالمی برادری کے ساتھ اسٹریٹجک تعلقات کو مضبوط بنانے میں کردار ادا کرے گا۔

Comments

یہ بھی پڑھیں