بھارت میں 10روز قبل زمین بوس ہونے والی سرنگ میں پھنسے زندہ مزدوروں کی ویڈیو جاری کردی گئی ہے۔
بین الاقوامی خبر رساں ادارے کی رپورٹ میں بتایا گیا ہے کہ ریاست اتراکھنڈ میں 10 روز قبل لینڈ سلائیڈنگ کے باعث زیر تعمیر سرنگ گرنے کا واقعہ پیش آیا تھا جس کے نتیجے میں 40 مزدور سرنگ میں پھنس گئے تھے۔
سرنگ میں پھنسے ہوئے مزدوروں کو نکالنے کے لئے انتھک کوششیں کی جارہی ہیں، سرنگ میں بچھائی جانے والی لائن کے ذریعے سے انہیں کھانا، پانی اور آکسیجن فراہم کی جارہی ہے۔
رپورٹس کے مطابق اس کوشش میں ایک اہم پیش رفت سامنے آئی ہے، جب کیمرے میں ریکارڈ کی گئی مزدوروں کی پہلی ویڈیو کو ریلیز کیا گیا، جس میں سرنگ میں پھنسے مزدوروں کو زندہ دکھایا گیا ہے۔
सिलक्यारा, उत्तरकाशी में निर्माणाधीन सुरंग के अंदर फँसे श्रमिकों से पहली बार एंडोस्कोपिक फ्लेक्सी कैमरे के माध्यम से बातचीत कर उनका कुशलक्षेम पूछा गया। सभी श्रमिक बंधु पूरी तरह सुरक्षित हैं। pic.twitter.com/vcr28EHx8g
— Pushkar Singh Dhami (@pushkardhami) November 21, 2023
کیمرے میں واکی ٹاکی بھی لگایا گیا ہے جس کی مدد سے مزدوروں کو کیمرے کے سامنے آنے کا کہا گیا اور مزدوروں سے بات کی گئی اور انہیں جلد باہر نکالنے کی تسلی دی گئی ہے۔
واضح رہے کہ گزشتہ روز ڈرل مشین خراب ہونے کے باعث ریسکیو آپریشن کو روک دیا گیا تھا، مزدوروں کو نکلانے میں ڈرل مشین کا سہارا لیا جارہا تھا مگربدقسمتی سے گزشتہ رات وہ بھی خراب ہوگئی اور دوسری مشین منگوانے کے لیے ریسکیو آپریشن کو ملتوی کرنا پڑ گیا، جسے ہوائی جہاز کے ذریعے جائے حادثہ پر پہنچایا جائے گا۔
