کراچی: پاکستانی شوبز انڈسٹری کی مقبول جوڑی اقرا عزیز اور یاسر حسین کی شادی کو ایک سال کا عرصہ بیت گیا۔
تفصیلات کے مطابق شوبز انڈسٹری کی معروف اداکارہ اقرا عزیز نے شادی کی پہلی سالگرہ کے موقع پر سماجی رابطے کی ویب سائٹ انسٹاگرام پر شوہر یاسر حسین کے لیے محبت بھرا پیغام شیئر کیا۔
اقرا عزیز نے اپنی پوسٹ میں یاسر حسین کو ’ببزو‘ کہہ کر مخاطب کیا اور شادی کی سالگرہ کی مبارک باد دی۔
اداکارہ نے یاسر حسین کو اپنی زندگی کی خاص شخصیت قرار دیتے ہوئے لکھا کہ ’یاسر میرے لیے اتنے خاص ہیں کہ اسے الفاظ میں بیان نہیں کیا جاسکتا۔‘
View this post on Instagram
اقرا نے کہا کہ ’یاسر نے ناصرف مجھے محبت دی بلکہ وہ میرے ساتھی ، میرے دوست سب کچھ رہے ہیں۔‘
اداکارہ کا کہنا تھا کہ ’یاسر نے انہیں دنیا کو ایک نئے انداز سے دیکھنا سکھایا،‘ پوسٹ کے آخر میں انہوں نے یاسر سے اپنی محبت کا اظہار بھی کیا۔
واضح رہے کہ یاسر حسین اور اقرا عزیز گزشتہ سال 28 دسمبر کو رشتہ ازدواج میں منسلک ہوئے تھے۔
یاد رہے کہ اداکارہ اقرا عزیز اور یاسر حسین نے اے آر وائی ڈیجیٹل کے ڈرامے ’جھوٹی‘ میں مرکزی کردار ادا کیا تھا، مداحوں کی جانب سے دونوں کی اداکاری کو خوب سراہا گیا تھا۔
