The news is by your side.

Advertisement

دیر بالا سے عام انتخابات میں حصہ لینے والی پہلی خاتون

پشاور: صوبہ خیبر پختونخواہ کے ضلع دیر سے پہلی بار ایک خاتون صوبائی اسمبلی کے لیے جنرل نشست سے انتخاب لڑنے جارہی ہیں۔ حمیدہ شاہد پاکستان تحریک انصاف کی کارکن ہیں۔

اس سے قبل دیر میں خواتین انتخابات میں حصہ لینا تو دور، گزشتہ 70 سال سے اپنا حق رائے دہی تک استعمال کرنے سے محروم تھیں۔

خواتین کے ووٹ نہ ڈالنے کی وجہ سے دیر میں ہونے والے انتخابات کو عدالتوں میں چیلنج بھی کیا جاتا رہا جن میں انتخابات کو کالعدم قرار دینے کے فیصلے سامنے آچکے ہیں۔

رواں برس مارچ میں بلدیاتی نشستوں پر ہونے والے ضمنی انتخابات میں 70 سالوں میں پہلی بار خواتین نے اپنا ووٹ کا حق استعمال کیا تھا۔

حمیدہ شاہد کو تحریک انصاف نے دیر بالا کے حلقہ پی کے 10 سے صوبائی اسمبلی کی امیدوار کا ٹکٹ جاری کیا ہے۔

حمیدہ 2011 سے تحریک انصاف سے وابستہ ہیں۔ انہوں نے اسی علاقے سے تحصیل کونسلر کے لیے خواتین کی مخصوص نشستوں کے لیے بھی انتخاب میں حصہ لیا تھا لیکن ناکام رہی تھیں۔

ان کا کہنا ہے، ’یہاں پر کہا جاتا ہے کہ خواتین ووٹ ڈالنے میں دلچسپی نہیں لیتیں۔ میرا الیکشن میں حصہ لینا اس سوچ کی نفی کرے گا اور یہ خواتین کے لیے ایک حوصلہ افزا اقدام ہوگا‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں