تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سرد موسم میں مچھلی کی گرما گرم کڑھی سے لطف اندوز ہوں

ملک بھر میں سرد موسم جاری ہے اور ایسے میں گرم اور غذائیت سے بھرپور اشیا کھانا جسم کو توانائی، حرارت اور غذائیت سب ہی فراہم کریں گی۔ آج ہم آپ کو مچھلی کی لذیذ کڑھی تیار کرنے کی ترکیب بتا رہے ہیں۔

اجزا

مچھلی کا گوشت: 1 کلو

گھی: 1 کپ

ہلدی: 1 چائے کا چمچ

پیاز: 50 گرام

ادرک لہسن کا پیسٹ: 1 کھانے کا چمچ

سرخ مرچ: حسب ضرورت

بیسن: 125 گرام

ہری مرچیں: 6 عدد

ہرا دھنیہ پو دینہ: چند پتیاں

دہی: 2 کپ

نمک، سفید زیرہ: حسب ذائقہ

ترکیب

لہسن، پیاز اور ادرک کو چھیل کر باریک کاٹ لیں۔

مچھلی کے گوشت کے چھوٹے ٹکڑے کر لیں اس کے بعد فرائی پین میں گھی ڈال کر چولہے پر رکھیں۔

اس میں ہری مرچیں، ہرا دھنیہ، پودینہ، ہلدی، سرخ مرچیں، نمک، پیاز، ادرک، لہسن کو اچھی طرح بھون لیں۔

اس کے بعد بیسن کو پانی میں گھول کر بھنے ہوئے مصالحے میں ڈال دیں، دہی ڈال کر اچھی طرح مکس کریں اور اس مکس آمیزے کو چولہے پر رکھ دیں۔

مچھلی کے ٹکڑوں پر نمک اور لہسن لگا کر کچھ دیر رکھا رہنے دیں اس کے بعد کڑاہی میں ڈیپ فرائی کر لیں۔

مچھلی کے تلے ہوئے ٹکڑوں کو دہی اور بیسن کے مکس آمیزہ میں ہلکی آنچ پر پکائیں جب کڑھی گاڑھی ہو جائے تو چولہے سے نیچے اتار لیں۔

زیرے کا بگھار لگائیں، مچھلی کی مزیدار کڑھی تیار ہے۔​

Comments

- Advertisement -