یوں تو مچھلی موسم سرما کی خاص سوغات ہے لیکن موسم سرما کے علاہ سال کے بقیہ دنوں میں بھی مچھلی کو اپنی غذا کا حصہ بنانا چاہیئے۔
اے آر وائی ڈیجیٹل کے مارننگ شو گڈ مارننگ پاکستان میں فش کٹا کٹ بنانے کی نہایت آسان ترکیب بتائی گئی جو آپ گھر پر بھی آزما سکتے ہیں۔
اجزا
مچھلی (بون لیس): 300 گرام
بیسن: آدھا کپ
لال مرچ پاؤڈر: 1 سے ڈیڑھ چمچ
بیکنگ پاؤڈر: 1 چٹکی
ہلدی: آدھا چائے کا چمچ
ادرک لہسن کا پیسٹ: 1 چائے کا چمچ
نمک: حسب ضرورت
تیل: حسب ضرورت
ہرا مصالحہ بنانے کے لیے
ہرا دھنیا: 1 گٹھی
ہری مرچ: 8 سے 10 عدد
پیاز: 1 عدد
کالی مرچ: 1 چائے کا چمچ
چائنیز سالٹ: آدھا چائے کا چمچ
نمک: حسب ضرورت
لیموں: گارنش کے لیے
سلاد کے پتے: گارنش کے لیے
ترکیب
سب سے پہلے ایک پیالے میں بیسن، لال مرچ پاؤڈر، بیکنگ پاؤڈر، ہلدی، ادرک لہسن کا پیسٹ، نمک اور تھوڑا سا پانی ڈال کر اچھی طرح مکس کرلیں۔
اب مچھلی کو اس مکسچر میں کوٹ کر کے میری نیٹ ہونے کے لیے رکھ دیں۔
پین میں تیل گرم کر کے اس میں میری نیٹ کی ہوئی مچھلی فرائی کرلیں۔
جب فرائی ہوجائے تو ٹشو پیپر پر نکال کر رکھ دیں۔
ہرا مصالحہ بنانے کے لیے
چوپر میں ہرا دھنیا، ہری مرچ اور پیاز ڈال کر چوپ کرلیں۔
توے پر 2 سے 3 کھانے کے چمچ تیل ڈال کر چوپ کیا ہوا ہرا مصالحہ ڈال کر مکس کریں اور ڈھانپ کر کچھ دیر دم پر رکھ دیں۔
اب اس میں فرائی کی ہوئی مچھلی ڈال دیں۔
پھر کالی مرچ، چائنیز سالٹ اور نمک ڈال کر کٹا کٹ چمچ کی مدد سے مچھلی کو کٹا کٹ کرلیں۔
ڈش میں نکال کر لیموں اور سلاد کے پتوں سے گارنش کر کے سرو کریں۔
