آپ نے بیف کا اسٹو تو لازمی کھایا ہوگا، اسی طرح فش اسٹو بھی بنایا جاتا ہے، اور سردیوں کے موسم میں تو مچھلی اور بھی فائدہ مند ہے اور ہماری پسندیدہ بھی۔
لہٰذا منفرد ذائقے کی حامل یہ ڈش آپ کو اور آپ کے گھر والوں کو بہت پسند آئے گی لہٰذا اس کے بنانے کی ترکیب جانیں۔
مچھلی کے قتلے آدھا کلو
نمک حسب ذائقہ
ادرک لہسن پسا ہوا ایک کھانے کا چمچ
پیاز دو عدد درمیانی
آلو دو عدد درمیانے
شملہ مرچ ایک عدد
ٹماٹر چار سے چھ عدد درمیانے
پسی ہوئی لال مرچ ایک چائے کا چمچ
سفید زیرہ ایک چائے کا چمچ
پسا ہوا دھنیا ایک چائے کا چمچ
تیزپات ایک پتہ
تیار کرنے کی ترکیب
مچھلی کو صاف دھو کر رکھ لیں، آلو اور شملہ مرچ کے چھوٹے ٹکڑے کر لیں۔ ٹماٹر کو چھیل کر رکھ لیں۔ فرائی پین میں کوکنگ آئل کو گرم کریں اور اس میں تیزپات، زیرہ اور باریک کٹی ہوئی پیاز ڈال کر فرائی کریں۔
جب پیاز ہلکی سنہری ہونے پر آجائے تو اس میں لال مرچ، دھنیا، آلو کے ٹکڑے اور ٹماٹر ڈال کر ڈھک دیں۔
ہلکی آنچ پر پکاتے ہوئے جب آلو گلنے پر آجائے تو اچھی طرح بھون کر مچھلی کے قتلے اور شملہ مرچ ڈال کر ڈھک دیں اور آٹھ سے دس منٹ درمیانی آنچ پر پکالیں(درمیان میں ایک سے دو مرتبہ پین کو کپڑے سے پکڑ کر ہلا لیں
مزیدار فش اسٹو تیار ہے، اب گرما گرم مچھلی رائتے کے ساتھ مہمانوں کو پیش کریں۔