The news is by your side.

Advertisement

ہاکس بے کراچی میں ڈوبنے والے 4کی لاشیں نکال لی گئیں

کراچی : بپھرتا سمندر نہانے والے 4 افراد کو نگل گیا، ہاکس بے کے ساحل پر نہانے کے دوران ڈوبنے والے 5 افراد میں سے 4 کی لاشیں نکال لی گئیں جبکہ ایک شخص کو بچالیا گیا ہے۔

تفصیلات کے مطابق کراچی کے ساحل ہاکس بے پر گزشتہ روز نہاتے ہوئے 5 افراد ڈوب گئے تھے، جس کے بعد ایدھی کے غوطہ خوروں نے ڈوبنے والے 2 افراد کی لاشیں گذشتہ روز نکا ل لی تھی۔

ایدھی حکام کے مطابق لاشوں شنا خت 40سالہ ذکر یہ اور 16سالہ دعا کے نام سے ہوئی، جاں بحق ہونے والے دونوں باپ بیٹی ہیں۔

رات گئے اندھیرے کے باعث ریسکیو کا کام روک دیا گیا تھا صبح ہوتے ہی ریسکیو عملے نے تلاش کے کام کا دوبارہ آغاز کیا گیا اور مزید 2 لاشیں نکالیں۔


مزید پڑھیں : کراچی کے ساحلی مقامات پر نہاتے ہوئے 7 افراد ڈوب گئے


ایدھی حکام کے مطابق لاشوں کی شناخت 20سالہ اسامہ اور 40سالہ امین کے نام سے ہو ئی ہے، دونوں افراد کی لاشوں کو سول اسپتال منتقل کر دیا گیا ہے جبکہ رسیکیو کارروائی کے دوران سترہ سالہ حمزہ کو نیم بے ہوشی کی حالت میں نکال کر اسپتال منتقل کیا۔

خیال رہے کہ ڈوبنے والے پانچوں افراد کا تعلق ایک ہی خاندان سے تھاجو ہاکس بے پکنک منانے آئے تھے۔

واضح رہے رواں سال مئی میں بھی سمندر میں ڈوب کر جاں بحق افراد کی تعداد تیرہ سے زائد ہوگئی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں