اسلام آباد: تعلیمی اداروں میں‌ منشیات بیچنے والے 5 ملزمان گرفتار five drug dealers arrest
The news is by your side.

Advertisement

اسلام آباد: تعلیمی اداروں میں‌ منشیات بیچنے والے 5 ملزمان گرفتار

اسلام آباد: پولیس نے مختلف جامعات میں منشیات فروخت کرنے والے پانچ ملزمان کو گرفتار کرکے کئی اقسام کا نشہ برآمد کرلیا۔

تفصیلات کے مطابق تعلیمی اداروں میں منشیات فروشی کے خلاف پولیس کا کریک ڈاؤن جاری ہے، آج کارروائی میں پولیس نے پانچ منشیات فروشوں کو گرفتار کرکے چرس،نشہ آور گولیاں،آئس اور ہیروئن برآمد کرلی۔

گرفتار کیے گئے ملزمان میں عدیل ارشد ، سہیل اظہر ، محمد سانول ، عظمت اللہ اور فاروق مسیح شامل ہیں، یہ ملزمان مختلف یونیورسٹیز کے 119 طلبہ کو منشیات فروخت کرتے تھے۔

پولیس نے ملزمان کے خلاف تھانہ شالیمار میں مقدمات درج کرکے مزید تفتیش شروع کردی ہے کہ وہ منشیات کہاں سے حاصل کرکے ملزمان کو بیچتے تھے۔

اطلاعات ہیں کہ اس ضمن میں ملزمان سے تفتیش کے بعد چھاپے بھی مارے جائیں گے جس کے نتیجے میں مزید گرفتاریاں جلد عمل میں آئیں گی۔

Comments

comments

یہ بھی پڑھیں