مقبوضہ کشمیرمیں بھارتی فوج کی فائرنگ‘ 5 کشمیری نوجوان شہید -
The news is by your side.

Advertisement

مقبوضہ کشمیرمیں بھارتی فوج کی فائرنگ‘ 5 کشمیری نوجوان شہید

سری نگر: مقبوضہ کشمیر میں بھارتی فوج کی فائرنگ سے 5 کشمیری نوجوان شہید جبکہ خاتون سمیت درجنوں افراد زخمی ہوگئے۔

تفصیلات کے مطابق مقبوضہ کشمیر کے ضلع اسلام آباد میں بھارتی فوج کی فائرنگ سے پانچ کشمیری نوجوان شہید جبکہ متعدد افراد زخمی ہوگئے۔

کشمیر میڈیا سروس کے مطابق شہدا میں میں داؤد صوفی، ماجدڈار، محمد اشرف، عادل میراوریوسف راٹھورشامل ہیں۔

کشمیری نوجوانوں کی شہادت کے بعد مقبوضہ کشمیر میں احتجاج اور جھڑپیں ہوئیں جبکہ بھارتی فورسز کی جانب سے مظاہرین پرشاٹ گن پیلٹ اور آنسو گیس کا استعمال کیا گیا جس کے نتیجے میں 20 افراد زخمی ہوگئے۔

خیال رہے کہ رواں ہفتے 19 جون کو بھارتی فوج کی فائرنگ سے ضلع پلواما میں 3 کشمیری نوجوان شہید ہوگئے تھے۔

مقبوضہ کشمیرمیں بھارتی فوج کی فائرنگ‘ 20 نوجوان شہید

یاد رہے کہ رواں سال 2 اپریل کو مقبوضہ کشمیر میں قابض بھارتی فورسز نے سرچ آپریشن کے نام پر فائرنگ کرکے 20 کشمیری نوجوانوں کو شہید جبکہ 300 سے زائد افراد کو زخمی کردیا تھا۔

واضح رہے کہ مقبوضہ کشمیر میں جولائی 2016 میں حریت رہنما مظفروانی کی شہادت کے بعد سے وادی میں بھارتی فورسز کی جانب سے کارروائیوں میں تیزی آئی ہے اور اس دوران درجنوں کشمیری نوجوان بھارتی فورسز کی فائرنگ سے شہید ہوچکے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں