واشنگٹن : امریکی شہریوں کو گرم ہوا کے غبارے میں سفر کرنا مہنگا پڑگیا، غبارہ تیز ہواؤں کے باعث بجلی کے تاروں میں پھنس گیا، جس کے نتیجے میں 5 افراد ہلاک ہوگئے۔
غیر ملکی خبر رساں ادارے کی رپورٹ کے مطابق گرم ہوا کے غبارے کا بجلی کے تاروں میں پھنسنے اور شہریوں کی موت کا افسوسناک واقعہ امریکی ریاست نیو میکسیکو میں پیش آیا۔
جہاں شہری بڑے سے غبارے میں سوار تھے، جو ہوا میں بلند ہوتے ہی بجلی کے تاروں سے جاٹکرایا۔
حادثے کے نتیجے میں گرم ہوا کے غبارے میں آگ لگ گئی، جو مسافروں کی موت کی وجہ بنی جب کہ کچھ افراد نیچے کودنے کی وجہ سے بھی ہلاک ہوئے۔
رپورٹس کے مطابق واقعے کے بعد علاقے میں بجلی کی فراہمی بھی معطل ہو گئی جسے کئی گھنٹے بعد بحال کیا گیا۔
امریکی حکام کا کہنا ہے کہ واقعے کی ہر پہلو سے تفتیش جاری ہے، تفتیش مکمل ہونے کے بعد ہی حادثے کی اصل وجوہات سامنے آ سکیں گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں