خیبرایجنسی میں دھماکہ‘5افراد جاں بحق -
The news is by your side.

Advertisement

خیبرایجنسی میں دھماکہ‘5افراد جاں بحق

خیبرایجنسی: وفاق کے زیرانتظام قبائلی علاقے فاٹا کی خیبر ایجنسی میں ریموٹ کنٹرول بم دھماکے کے نتیجے میں 5 افراد جاں بحق ہوگئے۔

تفصیلات کےمطابق وفاق کےزیرانتظام خیبرایجنسی کے علاقے باڑہ میں ریموٹ کنٹرول دھماکے میں 5افراد جان کی بازی ہارگئے۔دھماکہ امن کمیٹی کی گاڑی کے قریب ہوا۔

پولیٹیکل انتظامیہ کےمطابق دھماکے میں جاں بحق ہونےوالوں میں امن کمیٹی کے 4 ممبران اور لیویز اہلکار شامل ہے۔

دھماکے کی اطلاع ملتے ہی ریسکیو ٹیمیں اور سیکیورٹی فورسز جائے وقوع کی جانب رواں ہوگئیں اور شواہد اکٹھے کرکے تفتیش کا آغاز کردیا گیا۔

خیال رہےکہ خیبر ایجنسی افغان سرحد کے ساتھ پاکستان کے قبائلی علاقے میں وفاق کے زیر انتظام علاقوں میں سے ایک ہے۔


خیبرایجنسی: دہشت گردوں کاحملہ‘ 2اہلکارشہید‘ 6دہشتگرد ہلاک


یاد رہےکہ رواں سال مارچ میں خیبرایجنسی میں ایف سی چیک پوسٹ پر دہشت گردوں کےحملے کوناکام بناتے ہوئے2اہلکار شہید جبکہ 6دہشت گرد مارے گئےتھے۔

واضح رہےکہ گزشتہ سال نومبرمیں سیکیورٹی فورسز نے مہمند ایجنسی میں ایف سی کیمپ پر خود کش حملے کی کوشش ناکام بناتے ہوئے 4 دہشت گردوں کو ہلاک کردیاتھا۔

Comments

comments

یہ بھی پڑھیں