بینظیرانٹرنیشنل ایئرپورٹ پرایمبولفٹرگرنےسے5 مسافرزخمی -
The news is by your side.

Advertisement

بینظیرانٹرنیشنل ایئرپورٹ پرایمبولفٹرگرنےسے5 مسافرزخمی

راولپنڈی: بے نظیر انٹرنیشنل ایئرپورٹ پرغیرملی ایئرلائن کی پرواز کے ساتھ وہیل چیئر پر سوار مسافروں کے لیے لگائی گئی ایمبولفٹر گرنے سے 3 خواتین سمیت 5 افراد زخمی ہوگئے۔

تفصیلات کے مطابق بینظیر انٹرنیشنل ایئرپورٹ پرغیرملکی ایئرلائن کی پرواز کے ساتھ لگائی گئی ایمبولفٹر گرنے سے 3 خواتین سمیت 5 مسافر زخمی ہوگئے‘ امبولفٹر وہیل چیئر پر سوار مسافروں کو جہاز میں پہنچانے کے کام آتی ہے۔

ذرائع کا کہنا ہے کہ ایئرپورٹ پر موجود لفٹ خراب ہونے پرمعذورمسافروں کو سیڑھی کے ذریعے جہازپرپہنچایا جا رہا تھا۔

حادثے کی اطلاع ملتے ہی ریسکیو ٹیمیں  جائے وقوعہ پر پہنچیں اور زخمیوں کو طبی امداد کے لیے اسپتال منتقل کیا۔


پی آئی اے کی سینئرسٹیزن اورمعذورافراد کیلئے خصوصی رعایت ختم


خیال رہے کہ یکم فروری کو پی آئی اے کی موجودہ انتظامیہ نے معذوراورعمررسیدہ افراد سے ان کا حق چھین لیا تھا اور اندرون اور بیرون ملک جانے والی پروازوں پررعایت ختم کردی تھی۔

اس موقع پر ڈی جی سول ایوی ایشن اتھارٹی کی ہدایت پر اسلام آباد ایئرپورٹ سمیت تمام ایئرپورٹ پر گراونڈ ہینڈلنگ کے آلات اور ایمبولفٹر کی معائنے کی تحقیقات کا حکم دیدیا۔ سول ایوی ایشن کے ترجمان کے مطابق تمام گراونڈ ہینڈلنگ کے استعمال ہونیوالی مشینری کی مکمل جانچ کی جائے گی اور غفلت اور کوتاہی برتنے والوں کیخلاف کاروائی عمل میں لائی جائے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Comments

comments

یہ بھی پڑھیں