تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

قدرت کا شاہکار، ایک ساتھ 5 سورج آسمان پر نظر آنے لگے، ویڈیو دیکھیں

بیجنگ: چین کے شمال مشرقی علاقے منگولیا میں دن کے وقت آسمان پر ایک ساتھ پانچ سورج نظر آئے، اس منظر کو دیکھ کر شہری حیران رہ گئے اور انہوں نے حیران کن لمحے کو ویڈیو میں محفوظ کیا۔

میڈیا رپورٹ کے مطابق چین کے شمال مشرقی صوبے علاقے کے شہریوں نے 14 فروری کی صبح قدرت کا انوکھا نظارہ دیکھا کیونکہ آسمان پر ایک ساتھ 5 سورج نظر آرہے تھے۔

شہریوں نے اس حیران کن لمحے کو موبائل میں محفوظ کیا اور ویڈیوز کو سوشل میڈیا پر شیئر بھی کیا۔ پیپلز ڈیلی چائنا کی جانب سے شیئر ہونے والی ویڈیو میں دیکھا جاسکتا ہے کہ ایک بڑے سورج کے دائیں بائیں پانچ چھوڑے سورج موجود ہیں جنہیں دیکھ سب حیران ہورہے ہیں۔

رپورٹ کے مطابق شہریوں نے یہ نظارہ 15 منٹ سے زائد وقت تک دیکھا جس کے بعد یہ قدرتی عمل خود بہ خود ختم ہوگیا اور جیسے جیسے دن ڈھلنے لگا سورج معمول کے مطابق ہوگیا۔

سائنسی زبان میں اس عمل کو ’’سن ڈاگ‘‘ کہا جاتا ہے۔

سن ڈاگ کیا ہوتا ہے؟

فلکیات کے ماہرین کا کہنا ہے ایسا منظر عام طور پر سردیوں کے ایام میں نظر آتا ہے جس کے ہونے کی وجوہات ہوا میں برف کے شفاف ذرات ہوتے ہیں، جب سورج کی روشنی ان ذرات سے منعکس ہوتی ہے تو اس انعکاس سے سورج کا گمان ہوتا ہے۔

مزید پڑھیں: سال 2019 کے آخری روز چین میں تین سورج ایک ساتھ طلوع، ویڈیو وائرل

یہ ایسا منظر ہوتا ہے جس میں دو، تین یا پانچ سورج نظر آرہے ہوتے ہیں مگر حقیقت میں وہ انعکاس کا نتیجہ ہوتا کیونکہ حقیقی سورج تو بس ایک ہی ہوتا ہے۔

Comments

- Advertisement -