The news is by your side.

Advertisement

پانچ ہزار کا نوٹ ختم نہیں کیا جارہا، اسٹیٹ بینک

کراچی: اسٹیٹ بینک آف پاکستان نے پانچ ہزار کا نوٹ ختم کرنے کی تردید کردی، اسٹیٹ بینک کا کہنا ہے کہ پانچ ہزار کے کرنسی نوٹ ختم کرنے کی کوئی تجویز نہیں دی گئی۔

تفصیلات کے مطابق ترجمان اسٹیٹ بینک نے پانچ ہزار کا کرنسی نوٹ ختم کرنے کے حوالے سے میڈیا میں چلنے والی خبروں کو جھوٹ، بے بنیاد اورحقائق کے منافی قرار دیا ہے۔

ترجمان اسٹیٹ بینک سے جاری بیان میں کہا گیا ہے کہ مرکزی بینک پانچ ہزار کے نوٹ کو ختم کرنے کی تجویز کو سختی سے مسترد کرتا ہے۔

ان کا کہنا ہےکہ پانچ ہزار کے کرنسی نوٹ ختم کرنے کی کوئی تجویز نہیں دی گئی اور نوٹ ختم کرنے کے حوالے سے زیر گردش خبروں میں کوئی صداقت نہیں۔

واضح رہے کہ میڈیا میں ایسی خبریں زیر گردش تھیں کہ اسٹیٹ بینک رواں سال کے آخر تک 5 ہزار کا کرنسی نوٹ ختم کر دے گا جس کے بعد سے لوگوں میں شدید تشویش پائی جاتی تھی۔

Comments

comments

یہ بھی پڑھیں