site
stats
سندھ

عدالت سے بری ہوتے ہی فکس اٹ کے بانی کا اگلا لائحہ عمل

کراچی: فکس اٹ مہم کے بانی عالمگیر خان نے کہا ہے کہ لوگوں کی فلاح و بہبود کا کام کرتے رہیں گے، عدالت سے بری ہونے پر خوشی ہے، اگلے مرحلے میں اپنے ادارے کا دفتر کھولیں گے۔

ان خیالات کا اظہار انہوں نے عدالت سے بری ہونے کے بعد میڈیا سے گفتگو کرتے ہوئے کیا۔

عالمگیر خان کا کہنا تھا کہ ’’فکس اٹ مہم کسی سیاسی جماعت کے خلاف نہیں، ہم شہر کے عوام کی خدمت کے لیے کام جاری رکھیں گے‘‘۔

انہوں نے کہا کہ ’ہم اعلیٰ سرکاری عہدوں پر تعینات نااہل لوگوں کو اپنی مہم کے ذریعے جگانے کی کوشش کرتے ہیں اور یہ کاوش ہرصورت جاری رہے گی، فکس اٹ کے بانی نے عدالت سے بری ہونے پر خوشی کا اظہار کرتے ہوئے آئندہ کا لائحہ عمل کا اعلان بھی کیا۔

اُن کا کہنا تھا کہ ’فکس اِٹ لوگوں کی خدمت کو جاری رکھے گا اور ہم جلد شہر میں باقاعدہ دفتر کھولیں گے جہاں عوام کے مسائل سُن کر انہیں اپنی مدد آپ کے تحت حل کریں گے‘۔

خیال رہے کہ کراچی کی عدالت میں عالمگیر خان پر ٹریفک کی روانی متاثر کرنے کا مقدمہ درج کیا گیا تھا تاہم عدالت نے کیس خارج کرتے ہوئے ان  کے حق میں فیصلہ سنایا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top