اداکارہ و میزبان فضا علی نے اپنے والد سے معلق تہلکہ خیز انکشافات کردیے۔
حالیہ انٹرویو میں فضا علی نے اعتراف کیا کہ میں نے مختلف جگہوں پر والد سے متعلق مختلف باتیں کیں لیکن سچ یہ ہے کہ مجھے والد کا پتا ہی نہیں کہ وہ زندہ ہیں بھی یا نہیں۔
اداکارہ کا کہنا تھا کہ بڑی ہوئی تو دوستوں کو والد کی تعریف کرتے یا پھر ان کے والد کو ان سے محبت کرتے دیکھا جس پر دل میں حسد پیدا ہوا، مجھے جلن ہوتی تھی جب میں کسی بچی کو اس کے والد کے ساتھ دیکھتی تھی جب کہ میری کبھی ایسی لڑکیوں سے دوستی نہیں جن کے والد زندہ ہوتے تھے، میں دوستیں بھی ان ہی لڑکیوں کو بناتی تھی جو کہتی تھیں کہ انہیٰں والدہ سے محبت ہے۔
اداکارہ نے کہا کہ بڑی ہوئی تو لوگوں کو بتانے لگی کہ والد کا انتقال ہوگیا، امی کا شوہر سمجھ کر والد کو معاف کرچکی تھی لیکن جو کچھ انہوں نے ہمارے ساتھ کیا اسے بھلا نہیں سکتی۔
انہوں نے کہا کہ مجھے صرف اتنا پتا ہے کہ جب میں اپنی والدہ کے پیٹ میں تھی تو انہیں والد نے اتنا مارا تھا کہ ان کے نیچے کے دو دانت حلق میں گھس گئے تھے اور خون سیڑھیوں پر بہہ رہا تھا جس کے بعد پڑوسی والدہ کو اسپتال لے کر گئے تھے۔
اداکارہ نے بتایا کہ والد ذمہ داریوں سے بھاگتے تھے غصے والے تھے اور لالچی بھی تھے۔
فضا علی کے مطابق والد کا خاندان اچھا تھا لیکن والد کو کمانے کاشوق نہیں تھا امی اس وقت میکے کی طرف سے خاصی امیر تھیں تو ابو امی کے پاس پیسوں کے لیے آتے تھے ہمیں یہ سب پتا تھا لہٰذا میرے دل سے والد جب ہی اتر گئے تھے۔
ان کا کہنا تھا کہ باپ صرف پیدا کرنے والا نہیں ہوتا، باپ بچوں کی ذمہ داریاں اٹھانے والا، انہیں کھلانے والا اور ان کی فکر کرنے والا ہوتا ہے، ہماری والدہ ہی ہمارے والد بھی تھی۔
